కదా భువన్ రథక్షయాణి బ్రహ్మ కదా స్తోత్రే సహస్రపోష్యం దాః |
కదా స్తోమం వాసయో ऽస్య రాయా కదా ధియః కరసి వాజరత్నాః || 6-035-01
కర్హి స్విత్ తద్ ఇన్ద్ర యన్ నృభిర్ నౄన్ వీరైర్ వీరాన్ నీళయాసే జయాజీన్ |
త్రిధాతు గా అధి జయాసి గోష్వ్ ఇన్ద్ర ద్యుమ్నం స్వర్వద్ ధేహ్య్ అస్మే || 6-035-02
కర్హి స్విత్ తద్ ఇన్ద్ర యజ్ జరిత్రే విశ్వప్సు బ్రహ్మ కృణవః శవిష్ఠ |
కదా ధియో న నియుతో యువాసే కదా గోమఘా హవనాని గచ్ఛాః || 6-035-03
స గోమఘా జరిత్రే అశ్వశ్చన్ద్రా వాజశ్రవసో అధి ధేహి పృక్షః |
పీపిహీషః సుదుఘామ్ ఇన్ద్ర ధేనుమ్ భరద్వాజేషు సురుచో రురుచ్యాః || 6-035-04
తమ్ ఆ నూనం వృజనమ్ అన్యథా చిచ్ ఛూరో యచ్ ఛక్ర వి దురో గృణీషే |
మా నిర్ అరం శుక్రదుఘస్య ధేనోర్ ఆఙ్గిరసాన్ బ్రహ్మణా విప్ర జిన్వ || 6-035-05
