ఆ గావో అగ్మన్న్ ఉత భద్రమ్ అక్రన్ సీదన్తు గోష్ఠే రణయన్త్వ్ అస్మే |
ప్రజావతీః పురురూపా ఇహ స్యుర్ ఇన్ద్రాయ పూర్వీర్ ఉషసో దుహానాః || 6-028-01
ఇన్ద్రో యజ్వనే పృణతే చ శిక్షత్య్ ఉపేద్ దదాతి న స్వమ్ ముషాయతి |
భూయో-భూయో రయిమ్ ఇద్ అస్య వర్ధయన్న్ అభిన్నే ఖిల్యే ని దధాతి దేవయుమ్ || 6-028-02
న తా నశన్తి న దభాతి తస్కరో నాసామ్ ఆమిత్రో వ్యథిర్ ఆ దధర్షతి |
దేవాంశ్ చ యాభిర్ యజతే దదాతి చ జ్యోగ్ ఇత్ తాభిః సచతే గోపతిః సహ || 6-028-03
న తా అర్వా రేణుకకాటో అశ్నుతే న సంస్కృతత్రమ్ ఉప యన్తి తా అభి |
ఉరుగాయమ్ అభయం తస్య తా అను గావో మర్తస్య వి చరన్తి యజ్వనః || 6-028-04
గావో భగో గావ ఇన్ద్రో మే అచ్ఛాన్ గావః సోమస్య ప్రథమస్య భక్షః |
ఇమా యా గావః స జనాస ఇన్ద్ర ఇచ్ఛామీద్ ధృదా మనసా చిద్ ఇన్ద్రమ్ || 6-028-05
యూయం గావో మేదయథా కృశం చిద్ అశ్రీరం చిత్ కృణుథా సుప్రతీకమ్ |
భద్రం గృహం కృణుథ భద్రవాచో బృహద్ వో వయ ఉచ్యతే సభాసు || 6-028-06
ప్రజావతీః సూయవసం రిశన్తీః శుద్ధా అపః సుప్రపాణే పిబన్తీః |
మా వ స్తేన ఈశత మాఘశంసః పరి వో హేతీ రుద్రస్య వృజ్యాః || 6-028-07
ఉపేదమ్ ఉపపర్చనమ్ ఆసు గోషూప పృచ్యతామ్ |
ఉప ఋషభస్య రేతస్య్ ఉపేన్ద్ర తవ వీర్యే || 6-028-08
