కిమ్ అస్య మదే కిమ్ వ్ అస్య పీతావ్ ఇన్ద్రః కిమ్ అస్య సఖ్యే చకార |
రణా వా యే నిషది కిం తే అస్య పురా వివిద్రే కిమ్ ఉ నూతనాసః || 6-027-01
సద్ అస్య మదే సద్ వ్ అస్య పీతావ్ ఇన్ద్రః సద్ అస్య సఖ్యే చకార |
రణా వా యే నిషది సత్ తే అస్య పురా వివిద్రే సద్ ఉ నూతనాసః || 6-027-02
నహి ను తే మహిమనః సమస్య న మఘవన్ మఘవత్త్వస్య విద్మ |
న రాధసో-రాధసో నూతనస్యేన్ద్ర నకిర్ దదృశ ఇన్ద్రియం తే || 6-027-03
ఏతత్ త్యత్ త ఇన్ద్రియమ్ అచేతి యేనావధీర్ వరశిఖస్య శేషః |
వజ్రస్య యత్ తే నిహతస్య శుష్మాత్ స్వనాచ్ చిద్ ఇన్ద్ర పరమో దదార || 6-027-04
వధీద్ ఇన్ద్రో వరశిఖస్య శేషో ऽభ్యావర్తినే చాయమానాయ శిక్షన్ |
వృచీవతో యద్ ధరియూపీయాయాం హన్ పూర్వే అర్ధే భియసాపరో దర్త్ || 6-027-05
త్రింశచ్ఛతం వర్మిణ ఇన్ద్ర సాకం యవ్యావత్యామ్ పురుహూత శ్రవస్యా |
వృచీవన్తః శరవే పత్యమానాః పాత్రా భిన్దానా న్యర్థాన్య్ ఆయన్ || 6-027-06
యస్య గావావ్ అరుషా సూయవస్యూ అన్తర్ ఊ షు చరతో రేరిహాణా |
స సృఞ్జయాయ తుర్వశమ్ పరాదాద్ వృచీవతో దైవవాతాయ శిక్షన్ || 6-027-07
ద్వయాఅగ్నే రథినో వింశతిం గా వధూమతో మఘవా మహ్యం సమ్రాట్ |
అభ్యావర్తీ చాయమానో దదాతి దూణాశేయం దక్షిణా పార్థవానామ్ || 6-027-08
