తత్ సవితుర్ వృణీమహే వయం దేవస్య భోజనమ్ |
శ్రేష్ఠం సర్వధాతమం తురమ్ భగస్య ధీమహి || 5-082-01
అస్య హి స్వయశస్తరం సవితుః కచ్ చన ప్రియమ్ |
న మినన్తి స్వరాజ్యమ్ || 5-082-02
స హి రత్నాని దాశుషే సువాతి సవితా భగః |
తమ్ భాగం చిత్రమ్ ఈమహే || 5-082-03
అద్యా నో దేవ సవితః ప్రజావత్ సావీః సౌభగమ్ |
పరా దుష్వప్న్యం సువ || 5-082-04
విశ్వాని దేవ సవితర్ దురితాని పరా సువ |
యద్ భద్రం తన్ న ఆ సువ || 5-082-05
అనాగసో అదితయే దేవస్య సవితుః సవే |
విశ్వా వామాని ధీమహి || 5-082-06
ఆ విశ్వదేవం సత్పతిం సూక్తైర్ అద్యా వృణీమహే |
సత్యసవం సవితారమ్ || 5-082-07
య ఇమే ఉభే అహనీ పుర ఏత్య్ అప్రయుచ్ఛన్ |
స్వాధీర్ దేవః సవితా || 5-082-08
య ఇమా విశ్వా జాతాన్య్ ఆశ్రావయతి శ్లోకేన |
ప్ర చ సువాతి సవితా || 5-082-09
