యుఞ్జతే మన ఉత యుఞ్జతే ధియో విప్రా విప్రస్య బృహతో విపశ్చితః |
వి హోత్రా దధే వయునావిద్ ఏక ఇన్ మహీ దేవస్య సవితుః పరిష్టుతిః || 5-081-01
విశ్వా రూపాణి ప్రతి ముఞ్చతే కవిః ప్రాసావీద్ భద్రం ద్విపదే చతుష్పదే |
వి నాకమ్ అఖ్యత్ సవితా వరేణ్యో ऽను ప్రయాణమ్ ఉషసో వి రాజతి || 5-081-02
యస్య ప్రయాణమ్ అన్వ్ అన్య ఇద్ యయుర్ దేవా దేవస్య మహిమానమ్ ఓజసా |
యః పార్థివాని విమమే స ఏతశో రజాంసి దేవః సవితా మహిత్వనా || 5-081-03
ఉత యాసి సవితస్ త్రీణి రోచనోత సూర్యస్య రశ్మిభిః సమ్ ఉచ్యసి |
ఉత రాత్రీమ్ ఉభయతః పరీయస ఉత మిత్రో భవసి దేవ ధర్మభిః || 5-081-04
ఉతేశిషే ప్రసవస్య త్వమ్ ఏక ఇద్ ఉత పూషా భవసి దేవ యామభిః |
ఉతేదం విశ్వమ్ భువనం వి రాజసి శ్యావాశ్వస్ తే సవిత స్తోమమ్ ఆనశే || 5-081-04