ద్యుతద్యామానమ్ బృహతీమ్ ఋతేన ఋతావరీమ్ అరుణప్సుం విభాతీమ్ |
దేవీమ్ ఉషసం స్వర్ ఆవహన్తీమ్ ప్రతి విప్రాసో మతిభిర్ జరన్తే || 5-080-01
ఏషా జనం దర్శతా బోధయన్తీ సుగాన్ పథః కృణ్వతీ యాత్య్ అగ్రే |
బృహద్రథా బృహతీ విశ్వమిన్వోషా జ్యోతిర్ యచ్ఛత్య్ అగ్రే అహ్నామ్ || 5-080-02
ఏషా గోభిర్ అరుణేభిర్ యుజానాస్రేధన్తీ రయిమ్ అప్రాయు చక్రే |
పథో రదన్తీ సువితాయ దేవీ పురుష్టుతా విశ్వవారా వి భాతి || 5-080-03
ఏషా వ్యేనీ భవతి ద్విబర్హా ఆవిష్కృణ్వానా తన్వమ్ పురస్తాత్ |
ఋతస్య పన్థామ్ అన్వ్ ఏతి సాధు ప్రజానతీవ న దిశో మినాతి || 5-080-04
ఏషా శుభ్రా న తన్వో విదానోర్ధ్వేవ స్నాతీ దృశయే నో అస్థాత్ |
అప ద్వేషో బాధమానా తమాంస్య్ ఉషా దివో దుహితా జ్యోతిషాగాత్ || 5-080-05
ఏషా ప్రతీచీ దుహితా దివో నౄన్ యోషేవ భద్రా ని రిణీతే అప్సః |
వ్యూర్ణ్వతీ దాశుషే వార్యాణి పునర్ జ్యోతిర్ యువతిః పూర్వథాకః || 5-080-06
