అశ్వినావ్ ఏహ గచ్ఛతం నాసత్యా మా వి వేనతమ్ |
హంసావ్ ఇవ పతతమ్ ఆ సుతాఉప || 5-078-01
అశ్వినా హరిణావ్ ఇవ గౌరావ్ ఇవాను యవసమ్ |
హంసావ్ ఇవ పతతమ్ ఆ సుతాఉప || 5-078-02
అశ్వినా వాజినీవసూ జుషేథాం యజ్ఞమ్ ఇష్టయే |
హంసావ్ ఇవ పతతమ్ ఆ సుతాఉప || 5-078-03
అత్రిర్ యద్ వామ్ అవరోహన్న్ ఋబీసమ్ అజోహవీన్ నాధమానేవ యోషా |
శ్యేనస్య చిజ్ జవసా నూతనేనాగచ్ఛతమ్ అశ్వినా శంతమేన || 5-078-04
వి జిహీష్వ వనస్పతే యోనిః సూష్యన్త్యా ఇవ |
శ్రుతమ్ మే అశ్వినా హవం సప్తవధ్రిం చ ముఞ్చతమ్ || 5-078-05
భీతాయ నాధమానాయ ఋషయే సప్తవధ్రయే |
మాయాభిర్ అశ్వినా యువం వృక్షం సం చ వి చాచథః || 5-078-06
యథా వాతః పుష్కరిణీం సమిఙ్గయతి సర్వతః |
ఏవా తే గర్భ ఏజతు నిరైతు దశమాస్యః || 5-078-07
యథా వాతో యథా వనం యథా సముద్ర ఏజతి |
ఏవా త్వం దశమాస్య సహావేహి జరాయుణా || 5-078-08
దశ మాసాఞ్ ఛశయానః కుమారో అధి మాతరి |
నిరైతు జీవో అక్షతో జీవో జీవన్త్యా అధి || 5-078-09
