ప్రాతర్యావాణా ప్రథమా యజధ్వమ్ పురా గృధ్రాద్ అరరుషః పిబాతః |
ప్రాతర్ హి యజ్ఞమ్ అశ్వినా దధాతే ప్ర శంసన్తి కవయః పూర్వభాజః || 5-077-01
ప్రాతర్ యజధ్వమ్ అశ్వినా హినోత న సాయమ్ అస్తి దేవయా అజుష్టమ్ |
ఉతాన్యో అస్మద్ యజతే వి చావః పూర్వః-పూర్వో యజమానో వనీయాన్ || 5-077-02
హిరణ్యత్వఙ్ మధువర్ణో ఘృతస్నుః పృక్షో వహన్న్ ఆ రథో వర్తతే వామ్ |
మనోజవా అశ్వినా వాతరంహా యేనాతియాథో దురితాని విశ్వా || 5-077-03
యో భూయిష్ఠం నాసత్యాభ్యాం వివేష చనిష్ఠమ్ పిత్వో రరతే విభాగే |
స తోకమ్ అస్య పీపరచ్ ఛమీభిర్ అనూర్ధ్వభాసః సదమ్ ఇత్ తుతుర్యాత్ || 5-077-04
సమ్ అశ్వినోర్ అవసా నూతనేన మయోభువా సుప్రణీతీ గమేమ |
ఆ నో రయిం వహతమ్ ఓత వీరాన్ ఆ విశ్వాన్య్ అమృతా సౌభగాని || 5-077-05
