ప్రతి ప్రియతమం రథం వృషణం వసువాహనమ్ |
స్తోతా వామ్ అశ్వినావ్ ఋషి స్తోమేన ప్రతి భూషతి మాధ్వీ మమ శ్రుతం హవమ్ || 5-075-01
అత్యాయాతమ్ అశ్వినా తిరో విశ్వా అహం సనా |
దస్రా హిరణ్యవర్తనీ సుషుమ్నా సిన్ధువాహసా మాధ్వీ మమ శ్రుతం హవమ్ || 5-075-02
ఆ నో రత్నాని బిభ్రతావ్ అశ్వినా గచ్ఛతం యువమ్ |
రుద్రా హిరణ్యవర్తనీ జుషాణా వాజినీవసూ మాధ్వీ మమ శ్రుతం హవమ్ || 5-075-03
సుష్టుభో వాం వృషణ్వసూ రథే వాణీచ్య్ ఆహితా |
ఉత వాం కకుహో మృగః పృక్షః కృణోతి వాపుషో మాధ్వీ మమ శ్రుతం హవమ్ || 5-075-04
బోధిన్మనసా రథ్యేషిరా హవనశ్రుతా |
విభిశ్ చ్యవానమ్ అశ్వినా ని యాథో అద్వయావినమ్ మాధ్వీ మమ శ్రుతం హవమ్ || 5-075-05
ఆ వాం నరా మనోయుజో ऽశ్వాసః ప్రుషితప్సవః |
వయో వహన్తు పీతయే సహ సుమ్నేభిర్ అశ్వినా మాధ్వీ మమ శ్రుతం హవమ్ || 5-075-06
అశ్వినావ్ ఏహ గచ్ఛతం నాసత్యా మా వి వేనతమ్ |
తిరశ్ చిద్ అర్యయా పరి వర్తిర్ యాతమ్ అదాభ్యా మాధ్వీ మమ శ్రుతం హవమ్ || 5-075-07
అస్మిన్ యజ్ఞే అదాభ్యా జరితారం శుభస్ పతీ |
అవస్యుమ్ అశ్వినా యువం గృణన్తమ్ ఉప భూషథో మాధ్వీ మమ శ్రుతం హవమ్ || 5-075-08
అభూద్ ఉషా రుశత్పశుర్ ఆగ్నిర్ అధాయ్య్ ఋత్వియః |
అయోజి వాం వృషణ్వసూ రథో దస్రావ్ అమర్త్యో మాధ్వీ మమ శ్రుతం హవమ్ || 5-075-09
