ఆ చికితాన సుక్రతూ దేవౌ మర్త రిశాదసా |
వరుణాయ ఋతపేశసే దధీత ప్రయసే మహే || 5-066-01
తా హి క్షత్రమ్ అవిహ్రుతం సమ్యగ్ అసుర్యమ్ ఆశాతే |
అధ వ్రతేవ మానుషం స్వర్ ణ ధాయి దర్శతమ్ || 5-066-02
తా వామ్ ఏషే రథానామ్ ఉర్వీం గవ్యూతిమ్ ఏషామ్ |
రాతహవ్యస్య సుష్టుతిం దధృక్ స్తోమైర్ మనామహే || 5-066-03
అధా హి కావ్యా యువం దక్షస్య పూర్భిర్ అద్భుతా |
ని కేతునా జనానాం చికేథే పూతదక్షసా || 5-066-04
తద్ ఋతమ్ పృథివి బృహచ్ ఛ్రవష ఋషీణామ్ |
జ్రయసానావ్ అరమ్ పృథ్వ్ అతి క్షరన్తి యామభిః || 5-066-05
ఆ యద్ వామ్ ఈయచక్షసా మిత్ర వయం చ సూరయః |
వ్యచిష్ఠే బహుపాయ్యే యతేమహి స్వరాజ్యే || 5-066-06
