ఈళే అగ్నిం స్వవసం నమోభిర్ ఇహ ప్రసత్తో వి చయత్ కృతం నః |
రథైర్ ఇవ ప్ర భరే వాజయద్భిః ప్రదక్షిణిన్ మరుతాం స్తోమమ్ ఋధ్యామ్ || 5-060-01
ఆ యే తస్థుః పృషతీషు శ్రుతాసు సుఖేషు రుద్రా మరుతో రథేషు |
వనా చిద్ ఉగ్రా జిహతే ని వో భియా పృథివీ చిద్ రేజతే పర్వతశ్ చిత్ || 5-060-02
పర్వతశ్ చిన్ మహి వృద్ధో బిభాయ దివశ్ చిత్ సాను రేజత స్వనే వః |
యత్ క్రీళథ మరుత ఋష్టిమన్త ఆప ఇవ సధ్ర్యఞ్చో ధవధ్వే || 5-060-03
వరా ఇవేద్ రైవతాసో హిరణ్యైర్ అభి స్వధాభిస్ తన్వః పిపిశ్రే |
శ్రియే శ్రేయాంసస్ తవసో రథేషు సత్రా మహాంసి చక్రిరే తనూషు || 5-060-04
అజ్యేష్ఠాసో అకనిష్ఠాస ఏతే సమ్ భ్రాతరో వావృధుః సౌభగాయ |
యువా పితా స్వపా రుద్ర ఏషాం సుదుఘా పృశ్నిః సుదినా మరుద్భ్యః || 5-060-05
యద్ ఉత్తమే మరుతో మధ్యమే వా యద్ వావమే సుభగాసో దివి ష్ఠ |
అతో నో రుద్రా ఉత వా న్వ్ అస్యాగ్నే విత్తాద్ ధవిషో యద్ యజామ || 5-060-06
అగ్నిశ్ చ యన్ మరుతో విశ్వవేదసో దివో వహధ్వ ఉత్తరాద్ అధి ష్ణుభిః |
తే మన్దసానా ధునయో రిశాదసో వామం ధత్త యజమానాయ సున్వతే || 5-060-07
అగ్నే మరుద్భిః శుభయద్భిర్ ఋక్వభిః సోమమ్ పిబ మన్దసానో గణశ్రిభిః |
పావకేభిర్ విశ్వమిన్వేభిర్ ఆయుభిర్ వైశ్వానర ప్రదివా కేతునా సజూః || 5-060-08
