ప్ర వ స్పళ్ అక్రన్ సువితాయ దావనే ऽర్చా దివే ప్ర పృథివ్యా ఋతమ్ భరే |
ఉక్షన్తే అశ్వాన్ తరుషన్త ఆ రజో ऽను స్వమ్ భానుం శ్రథయన్తే అర్ణవైః || 5-059-01
అమాద్ ఏషామ్ భియసా భూమిర్ ఏజతి నౌర్ న పూర్ణా క్షరతి వ్యథిర్ యతీ |
దూరేదృశో యే చితయన్త ఏమభిర్ అన్తర్ మహే విదథే యేతిరే నరః || 5-059-02
గవామ్ ఇవ శ్రియసే శృఙ్గమ్ ఉత్తమం సూర్యో న చక్షూ రజసో విసర్జనే |
అత్యా ఇవ సుభ్వశ్ చారవ స్థన మర్యా ఇవ శ్రియసే చేతథా నరః || 5-059-03
కో వో మహాన్తి మహతామ్ ఉద్ అశ్నవత్ కస్ కావ్యా మరుతః కో హ పౌంస్యా |
యూయం హ భూమిం కిరణం న రేజథ ప్ర యద్ భరధ్వే సువితాయ దావనే || 5-059-04
అశ్వా ఇవేద్ అరుషాసః సబన్ధవః శూరా ఇవ ప్రయుధః ప్రోత యుయుధుః |
మర్యా ఇవ సువృధో వావృధుర్ నరః సూర్యస్య చక్షుః ప్ర మినన్తి వృష్టిభిః || 5-059-05
తే అజ్యేష్ఠా అకనిష్ఠాస ఉద్భిదో ऽమధ్యమాసో మహసా వి వావృధుః |
సుజాతాసో జనుషా పృశ్నిమాతరో దివో మర్యా ఆ నో అచ్ఛా జిగాతన || 5-059-06
వయో న యే శ్రేణీః పప్తుర్ ఓజసాన్తాన్ దివో బృహతః సానునస్ పరి |
అశ్వాస ఏషామ్ ఉభయే యథా విదుః ప్ర పర్వతస్య నభనూఅచుచ్యవుః || 5-059-07
మిమాతు ద్యౌర్ అదితిర్ వీతయే నః సం దానుచిత్రా ఉషసో యతన్తామ్ |
ఆచుచ్యవుర్ దివ్యం కోశమ్ ఏత ఋషే రుద్రస్య మరుతో గృణానాః || 5-059-08
