అగ్నిం తమ్ మన్యే యో వసుర్ అస్తం యం యన్తి ధేనవః |
అస్తమ్ అర్వన్త ఆశవో ऽస్తం నిత్యాసో వాజిన ఇషం స్తోతృభ్య ఆ భర || 5-006-01
సో అగ్నిర్ యో వసుర్ గృణే సం యమ్ ఆయన్తి ధేనవః |
సమ్ అర్వన్తో రఘుద్రువః సం సుజాతాసః సూరయ ఇషం స్తోతృభ్య ఆ భర || 5-006-02
అగ్నిర్ హి వాజినం విశే దదాతి విశ్వచర్షణిః |
అగ్నీ రాయే స్వాభువం స ప్రీతో యాతి వార్యమ్ ఇషం స్తోతృభ్య ఆ భర || 5-006-03
ఆ తే అగ్న ఇధీమహి ద్యుమన్తం దేవాజరమ్ |
యద్ ధ స్యా తే పనీయసీ సమిద్ దీదయతి ద్యవీషం స్తోతృభ్య ఆ భర || 5-006-04
ఆ తే అగ్న ఋచా హవిః శుక్రస్య శోచిషస్ పతే |
సుశ్చన్ద్ర దస్మ విశ్పతే హవ్యవాట్ తుభ్యం హూయత ఇషం స్తోతృభ్య ఆ భర || 5-006-05
ప్రో త్యే అగ్నయో ऽగ్నిషు విశ్వమ్ పుష్యన్తి వార్యమ్ |
తే హిన్విరే త ఇన్విరే త ఇషణ్యన్త్య్ ఆనుషగ్ ఇషం స్తోతృభ్య ఆ భర || 5-006-06
తవ త్యే అగ్నే అర్చయో మహి వ్రాధన్త వాజినః |
యే పత్వభిః శఫానాం వ్రజా భురన్త గోనామ్ ఇషం స్తోతృభ్య ఆ భర || 5-006-07
నవా నో అగ్న ఆ భర స్తోతృభ్యః సుక్షితీర్ ఇషః |
తే స్యామ య ఆనృచుస్ త్వాదూతాసో దమే-దమ ఇషం స్తోతృభ్య ఆ భర || 5-006-08
ఉభే సుశ్చన్ద్ర సర్పిషో దర్వీ శ్రీణీష ఆసని |
ఉతో న ఉత్ పుపూర్యా ఉక్థేషు శవసస్ పత ఇషం స్తోతృభ్య ఆ భర || 5-006-09
ఏవాఅగ్నిమ్ అజుర్యముర్ గీర్భిర్ యజ్ఞేభిర్ ఆనుషక్ |
దధద్ అస్మే సువీర్యమ్ ఉత త్యద్ ఆశ్వశ్వ్యమ్ ఇషం స్తోతృభ్య ఆ భర || 5-006-10
