సుసమిద్ధాయ శోచిషే ఘృతం తీవ్రం జుహోతన |
అగ్నయే జాతవేదసే || 5-005-01
నరాశంసః సుషూదతీమం యజ్ఞమ్ అదాభ్యః |
కవిర్ హి మధుహస్త్యః || 5-005-02
ఈళితో అగ్న ఆ వహేన్ద్రం చిత్రమ్ ఇహ ప్రియమ్ |
సుఖై రథేభిర్ ఊతయే || 5-005-03
ఊర్ణమ్రదా వి ప్రథస్వాభ్య్ అర్కా అనూషత |
భవా నః శుభ్ర సాతయే || 5-005-04
దేవీర్ ద్వారో వి శ్రయధ్వం సుప్రాయణా న ఊతయే |
ప్ర-ప్ర యజ్ఞమ్ పృణీతన || 5-005-05
సుప్రతీకే వయోవృధా యహ్వీ ఋతస్య మాతరా |
దోషామ్ ఉషాసమ్ ఈమహే || 5-005-06
వాతస్య పత్మన్న్ ఈళితా దైవ్యా హోతారా మనుషః |
ఇమం నో యజ్ఞమ్ ఆ గతమ్ || 5-005-07
ఇళా సరస్వతీ మహీ తిస్రో దేవీర్ మయోభువః |
బర్హిః సీదన్త్వ్ అస్రిధః || 5-005-08
శివస్ త్వష్టర్ ఇహా గహి విభుః పోష ఉత త్మనా |
యజ్ఞే-యజ్ఞే న ఉద్ అవ || 5-005-09
యత్ర వేత్థ వనస్పతే దేవానాం గుహ్యా నామాని |
తత్ర హవ్యాని గామయ || 5-005-10
స్వాహాగ్నయే వరుణాయ స్వాహేన్ద్రాయ మరుద్భ్యః స్వాహా దేవేభ్యో హవిః |
