ప్రయజ్యవో మరుతో భ్రాజదృష్టయో బృహద్ వయో దధిరే రుక్మవక్షసః |
ఈయన్తే అశ్వైః సుయమేభిర్ ఆశుభిః శుభం యాతామ్ అను రథా అవృత్సత || 5-055-01
స్వయం దధిధ్వే తవిషీం యథా విద బృహన్ మహాన్త ఉర్వియా వి రాజథ |
ఉతాన్తరిక్షమ్ మమిరే వ్య్ ఓజసా శుభం యాతామ్ అను రథా అవృత్సత || 5-055-02
సాకం జాతాః సుభ్వః సాకమ్ ఉక్షితాః శ్రియే చిద్ ఆ ప్రతరం వావృధుర్ నరః |
విరోకిణః సూర్యస్యేవ రశ్మయః శుభం యాతామ్ అను రథా అవృత్సత || 5-055-03
ఆభూషేణ్యం వో మరుతో మహిత్వనం దిదృక్షేణ్యం సూర్యస్యేవ చక్షణమ్ |
ఉతో అస్మాఅమృతత్వే దధాతన శుభం యాతామ్ అను రథా అవృత్సత || 5-055-04
ఉద్ ఈరయథా మరుతః సముద్రతో యూయం వృష్టిం వర్షయథా పురీషిణః |
న వో దస్రా ఉప దస్యన్తి ధేనవః శుభం యాతామ్ అను రథా అవృత్సత || 5-055-05
యద్ అశ్వాన్ ధూర్షు పృషతీర్ అయుగ్ధ్వం హిరణ్యయాన్ ప్రత్య్ అత్కాఅముగ్ధ్వమ్ |
విశ్వా ఇత్ స్పృధో మరుతో వ్య్ అస్యథ శుభం యాతామ్ అను రథా అవృత్సత || 5-055-06
న పర్వతా న నద్యో వరన్త వో యత్రాచిధ్వమ్ మరుతో గచ్ఛథేద్ ఉ తత్ |
ఉత ద్యావాపృథివీ యాథనా పరి శుభం యాతామ్ అను రథా అవృత్సత || 5-055-07
యత్ పూర్వ్యమ్ మరుతో యచ్ చ నూతనం యద్ ఉద్యతే వసవో యచ్ చ శస్యతే |
విశ్వస్య తస్య భవథా నవేదసః శుభం యాతామ్ అను రథా అవృత్సత || 5-055-08
మృళత నో మరుతో మా వధిష్టనాస్మభ్యం శర్మ బహులం వి యన్తన |
అధి స్తోత్రస్య సఖ్యస్య గాతన శుభం యాతామ్ అను రథా అవృత్సత || 5-055-09
యూయమ్ అస్మాన్ నయత వస్యో అచ్ఛా నిర్ అంహతిభ్యో మరుతో గృణానాః |
జుషధ్వం నో హవ్యదాతిం యజత్రా వయం స్యామ పతయో రయీణామ్ || 5-055-10
