ప్ర శంతమా వరుణం దీధితీ గీర్ మిత్రమ్ భగమ్ అదితిం నూనమ్ అశ్యాః |
పృషద్యోనిః పఞ్చహోతా శృణోత్వ్ అతూర్తపన్థా అసురో మయోభుః || 5-042-01
ప్రతి మే స్తోమమ్ అదితిర్ జగృభ్యాత్ సూనుం న మాతా హృద్యం సుశేవమ్ |
బ్రహ్మ ప్రియం దేవహితం యద్ అస్త్య్ అహమ్ మిత్రే వరుణే యన్ మయోభు || 5-042-02
ఉద్ ఈరయ కవితమం కవీనామ్ ఉనత్తైనమ్ అభి మధ్వా ఘృతేన |
స నో వసూని ప్రయతా హితాని చన్ద్రాణి దేవః సవితా సువాతి || 5-042-03
సమ్ ఇన్ద్ర ణో మనసా నేషి గోభిః సం సూరిభిర్ హరివః సం స్వస్తి |
సమ్ బ్రహ్మణా దేవహితం యద్ అస్తి సం దేవానాం సుమత్యా యజ్ఞియానామ్ || 5-042-04
దేవో భగః సవితా రాయో అంశ ఇన్ద్రో వృత్రస్య సంజితో ధనానామ్ |
ఋభుక్షా వాజ ఉత వా పురంధిర్ అవన్తు నో అమృతాసస్ తురాసః || 5-042-05
మరుత్వతో అప్రతీతస్య జిష్ణోర్ అజూర్యతః ప్ర బ్రవామా కృతాని |
న తే పూర్వే మఘవన్ నాపరాసో న వీర్యం నూతనః కశ్ చనాప || 5-042-06
ఉప స్తుహి ప్రథమం రత్నధేయమ్ బృహస్పతిం సనితారం ధనానామ్ |
యః శంసతే స్తువతే శమ్భవిష్ఠః పురూవసుర్ ఆగమజ్ జోహువానమ్ || 5-042-07
తవోతిభిః సచమానా అరిష్టా బృహస్పతే మఘవానః సువీరాః |
యే అశ్వదా ఉత వా సన్తి గోదా యే వస్త్రదాః సుభగాస్ తేషు రాయః || 5-042-08
విసర్మాణం కృణుహి విత్తమ్ ఏషాం యే భుఞ్జతే అపృణన్తో న ఉక్థైః |
అపవ్రతాన్ ప్రసవే వావృధానాన్ బ్రహ్మద్విషః సూర్యాద్ యావయస్వ || 5-042-09
య ఓహతే రక్షసో దేవవీతావ్ అచక్రేభిస్ తమ్ మరుతో ని యాత |
యో వః శమీం శశమానస్య నిన్దాత్ తుచ్ఛ్యాన్ కామాన్ కరతే సిష్విదానః || 5-042-10
తమ్ ఉ ష్టుహి యః స్విషుః సుధన్వా యో విశ్వస్య క్షయతి భేషజస్య |
యక్ష్వా మహే సౌమనసాయ రుద్రం నమోభిర్ దేవమ్ అసురం దువస్య || 5-042-11
దమూనసో అపసో యే సుహస్తా వృష్ణః పత్నీర్ నద్యో విభ్వతష్టాః |
సరస్వతీ బృహద్దివోత రాకా దశస్యన్తీర్ వరివస్యన్తు శుభ్రాః || 5-042-12
ప్ర సూ మహే సుశరణాయ మేధాం గిరమ్ భరే నవ్యసీం జాయమానామ్ |
య ఆహనా దుహితుర్ వక్షణాసు రూపా మినానో అకృణోద్ ఇదం నః || 5-042-13
ప్ర సుష్టుతి స్తనయన్తం రువన్తమ్ ఇళస్ పతిం జరితర్ నూనమ్ అశ్యాః |
యో అబ్దిమాఉదనిమాఇయర్తి ప్ర విద్యుతా రోదసీ ఉక్షమాణః || 5-042-14
ఏష స్తోమో మారుతం శర్ధో అచ్ఛా రుద్రస్య సూనూయువన్యూఉద్ అశ్యాః |
కామో రాయే హవతే మా స్వస్త్య్ ఉప స్తుహి పృషదశ్వాఅయాసః || 5-042-15
ప్రైష స్తోమః పృథివీమ్ అన్తరిక్షం వనస్పతీఓషధీ రాయే అశ్యాః |
దేవో-దేవః సుహవో భూతు మహ్యమ్ మా నో మాతా పృథివీ దుర్మతౌ ధాత్ || 5-042-16
ఉరౌ దేవా అనిబాధే స్యామ |
సమ్ అశ్వినోర్ అవసా నూతనేన మయోభువా సుప్రణీతీ గమేమ || 5-042-17
ఆ నో రయిం వహతమ్ ఓత వీరాన్ ఆ విశ్వాన్య్ అమృతా సౌభగాని || 5-042-18
