ఋగ్వేదము - మండలము 5 - సూక్తము 21
| ←ముందరి అధ్యాయము | ఋగ్వేదము (ఋగ్వేదము - మండలము 5 - సూక్తము 21) | తరువాతి అధ్యాయము→ |
| దేవత : , చంధస్సు : |
| ఋగ్వేదము | |||||||||||||
|---|---|---|---|---|---|---|---|---|---|---|---|---|---|
| |||||||||||||
మనుష్వత్ త్వా ని ధీమహి మనుష్వత్ సమ్ ఇధీమహి |
అగ్నే మనుష్వద్ అఙ్గిరో దేవాన్ దేవయతే యజ || 5-021-01
త్వం హి మానుషే జనే ऽగ్నే సుప్రీత ఇధ్యసే |
స్రుచస్ త్వా యన్త్య్ ఆనుషక్ సుజాత సర్పిరాసుతే || 5-021-02
త్వాం విశ్వే సజోషసో దేవాసో దూతమ్ అక్రత |
సపర్యన్తస్ త్వా కవే యజ్ఞేషు దేవమ్ ఈళతే || 5-021-03
దేవం వో దేవయజ్యయాగ్నిమ్ ఈళీత మర్త్యః |
సమిద్ధః శుక్ర దీదిహ్య్ ఋతస్య యోనిమ్ ఆసదః ససస్య యోనిమ్ ఆసదః || 5-021-04