ప్రాతర్ అగ్నిః పురుప్రియో విశ స్తవేతాతిథిః |
విశ్వాని యో అమర్త్యో హవ్యా మర్తేషు రణ్యతి || 5-018-01
ద్వితాయ మృక్తవాహసే స్వస్య దక్షస్య మంహనా |
ఇన్దుం స ధత్త ఆనుషక్ స్తోతా చిత్ తే అమర్త్య || 5-018-02
తం వో దీర్ఘాయుశోచిషం గిరా హువే మఘోనామ్ |
అరిష్టో యేషాం రథో వ్య్ అశ్వదావన్న్ ఈయతే || 5-018-03
చిత్రా వా యేషు దీధితిర్ ఆసన్న్ ఉక్థా పాన్తి యే |
స్తీర్ణమ్ బర్హిః స్వర్ణరే శ్రవాంసి దధిరే పరి || 5-018-04
యే మే పఞ్చాశతం దదుర్ అశ్వానాం సధస్తుతి |
ద్యుమద్ అగ్నే మహి శ్రవో బృహత్ కృధి మఘోనాం నృవద్ అమృత నృణామ్ || 5-018-05
