ప్రాగ్నయే బృహతే యజ్ఞియాయ ఋతస్య వృష్ణే అసురాయ మన్మ |
ఘృతం న యజ్ఞ ఆస్యే సుపూతం గిరమ్ భరే వృషభాయ ప్రతీచీమ్ || 5-012-01
ఋతం చికిత్వ ఋతమ్ ఇచ్ చికిద్ధ్య్ ఋతస్య ధారా అను తృన్ధి పూర్వీః |
నాహం యాతుం సహసా న ద్వయేన ఋతం సపామ్య్ అరుషస్య వృష్ణః || 5-012-02
కయా నో అగ్న ఋతయన్న్ ఋతేన భువో నవేదా ఉచథస్య నవ్యః |
వేదా మే దేవ ఋతుపా ఋతూనాం నాహమ్ పతిం సనితుర్ అస్య రాయః || 5-012-03
కే తే అగ్నే రిపవే బన్ధనాసః కే పాయవః సనిషన్త ద్యుమన్తః |
కే ధాసిమ్ అగ్నే అనృతస్య పాన్తి క ఆసతో వచసః సన్తి గోపాః || 5-012-04
సఖాయస్ తే విషుణా అగ్న ఏతే శివాసః సన్తో అశివా అభూవన్ |
అధూర్షత స్వయమ్ ఏతే వచోభిర్ ఋజూయతే వృజినాని బ్రువన్తః || 5-012-05
యస్ తే అగ్నే నమసా యజ్ఞమ్ ఈట్ట ఋతం స పాత్య్ అరుషస్య వృష్ణః |
తస్య క్షయః పృథుర్ ఆ సాధుర్ ఏతు ప్రసర్స్రాణస్య నహుషస్య శేషః || 5-012-06
