జనస్య గోపా అజనిష్ట జాగృవిర్ అగ్నిః సుదక్షః సువితాయ నవ్యసే |
ఘృతప్రతీకో బృహతా దివిస్పృశా ద్యుమద్ వి భాతి భరతేభ్యః శుచిః || 5-011-01
యజ్ఞస్య కేతుమ్ ప్రథమమ్ పురోహితమ్ అగ్నిం నరస్ త్రిషధస్థే సమ్ ఈధిరే |
ఇన్ద్రేణ దేవైః సరథం స బర్హిషి సీదన్ ని హోతా యజథాయ సుక్రతుః || 5-011-02
అసమ్మృష్టో జాయసే మాత్రోః శుచిర్ మన్ద్రః కవిర్ ఉద్ అతిష్ఠో వివస్వతః |
ఘృతేన త్వావర్ధయన్న్ అగ్న ఆహుత ధూమస్ తే కేతుర్ అభవద్ దివి శ్రితః || 5-011-03
అగ్నిర్ నో యజ్ఞమ్ ఉప వేతు సాధుయాగ్నిం నరో వి భరన్తే గృహే-గృహే |
అగ్నిర్ దూతో అభవద్ ధవ్యవాహనో ऽగ్నిం వృణానా వృణతే కవిక్రతుమ్ || 5-011-04
తుభ్యేదమ్ అగ్నే మధుమత్తమం వచస్ తుభ్యమ్ మనీషా ఇయమ్ అస్తు శం హృదే |
త్వాం గిరః సిన్ధుమ్ ఇవావనీర్ మహీర్ ఆ పృణన్తి శవసా వర్ధయన్తి చ || 5-011-05
త్వామ్ అగ్నే అఙ్గిరసో గుహా హితమ్ అన్వ్ అవిన్దఞ్ ఛిశ్రియాణం వనే-వనే |
స జాయసే మథ్యమానః సహో మహత్ త్వామ్ ఆహుః సహసస్ పుత్రమ్ అఙ్గిరః || 5-011-06
