అభూద్ దేవః సవితా వన్ద్యో ను న ఇదానీమ్ అహ్న ఉపవాచ్యో నృభిః |
వి యో రత్నా భజతి మానవేభ్యః శ్రేష్ఠం నో అత్ర ద్రవిణం యథా దధత్ || 4-054-01
దేవేభ్యో హి ప్రథమం యజ్ఞియేభ్యో ऽమృతత్వం సువసి భాగమ్ ఉత్తమమ్ |
ఆద్ ఇద్ దామానం సవితర్ వ్య్ ఊర్ణుషే ऽనూచీనా జీవితా మానుషేభ్యః || 4-054-02
అచిత్తీ యచ్ చకృమా దైవ్యే జనే దీనైర్ దక్షైః ప్రభూతీ పూరుషత్వతా |
దేవేషు చ సవితర్ మానుషేషు చ త్వం నో అత్ర సువతాద్ అనాగసః || 4-054-03
న ప్రమియే సవితుర్ దైవ్యస్య తద్ యథా విశ్వమ్ భువనం ధారయిష్యతి |
యత్ పృథివ్యా వరిమన్న్ ఆ స్వఙ్గురిర్ వర్ష్మన్ దివః సువతి సత్యమ్ అస్య తత్ || 4-054-04
ఇన్ద్రజ్యేష్ఠాన్ బృహద్భ్యః పర్వతేభ్యః క్షయాఏభ్యః సువసి పస్త్యావతః |
యథా-యథా పతయన్తో వియేమిర ఏవైవ తస్థుః సవితః సవాయ తే || 4-054-05
యే తే త్రిర్ అహన్ సవితః సవాసో దివే-దివే సౌభగమ్ ఆసువన్తి |
ఇన్ద్రో ద్యావాపృథివీ సిన్ధుర్ అద్భిర్ ఆదిత్యైర్ నో అదితిః శర్మ యంసత్ || 4-054-06
