అయమ్ పన్థా అనువిత్తః పురాణో యతో దేవా ఉదజాయన్త విశ్వే |
అతశ్ చిద్ ఆ జనిషీష్ట ప్రవృద్ధో మా మాతరమ్ అముయా పత్తవే కః || 4-018-01
నాహమ్ అతో నిర్ అయా దుర్గహైతత్ తిరశ్చతా పార్శ్వాన్ నిర్ గమాణి |
బహూని మే అకృతా కర్త్వాని యుధ్యై త్వేన సం త్వేన పృచ్ఛై || 4-018-02
పరాయతీమ్ మాతరమ్ అన్వ్ అచష్ట న నాను గాన్య్ అను నూ గమాని |
త్వష్టుర్ గృహే అపిబత్ సోమమ్ ఇన్ద్రః శతధన్యం చమ్వోః సుతస్య || 4-018-03
కిం స ఋధక్ కృణవద్ యం సహస్రమ్ మాసో జభార శరదశ్ చ పూర్వీః |
నహీ న్వ్ అస్య ప్రతిమానమ్ అస్త్య్ అన్తర్ జాతేషూత యే జనిత్వాః || 4-018-04
అవద్యమ్ ఇవ మన్యమానా గుహాకర్ ఇన్ద్రమ్ మాతా వీర్యేణా న్యృష్టమ్ |
అథోద్ అస్థాత్ స్వయమ్ అత్కం వసాన ఆ రోదసీ అపృణాజ్ జాయమానః || 4-018-05
ఏతా అర్షన్త్య్ అలలాభవన్తీర్ ఋతావరీర్ ఇవ సంక్రోశమానాః |
ఏతా వి పృచ్ఛ కిమ్ ఇదమ్ భనన్తి కమ్ ఆపో అద్రిమ్ పరిధిం రుజన్తి || 4-018-06
కిమ్ ఉ ష్విద్ అస్మై నివిదో భనన్తేన్ద్రస్యావద్యం దిధిషన్త ఆపః |
మమైతాన్ పుత్రో మహతా వధేన వృత్రం జఘన్వాఅసృజద్ వి సిన్ధూన్ || 4-018-07
మమచ్ చన త్వా యువతిః పరాస మమచ్ చన త్వా కుషవా జగార |
మమచ్ చిద్ ఆపః శిశవే మమృడ్యుర్ మమచ్ చిద్ ఇన్ద్రః సహసోద్ అతిష్ఠత్ || 4-018-08
మమచ్ చన తే మఘవన్ వ్యంసో నివివిధ్వాఅప హనూ జఘాన |
అధా నివిద్ధ ఉత్తరో బభూవాఞ్ ఛిరో దాసస్య సమ్ పిణక్ వధేన || 4-018-09
గృష్టిః ససూవ స్థవిరం తవాగామ్ అనాధృష్యం వృషభం తుమ్రమ్ ఇన్ద్రమ్ |
అరీళ్హం వత్సం చరథాయ మాతా స్వయం గాతుం తన్వ ఇచ్ఛమానమ్ || 4-018-10
ఉత మాతా మహిషమ్ అన్వ్ అవేనద్ అమీ త్వా జహతి పుత్ర దేవాః |
అథాబ్రవీద్ వృత్రమ్ ఇన్ద్రో హనిష్యన్ సఖే విష్ణో వితరం వి క్రమస్వ || 4-018-11
కస్ తే మాతరం విధవామ్ అచక్రచ్ ఛయుం కస్ త్వామ్ అజిఘాంసచ్ చరన్తమ్ |
కస్ తే దేవో అధి మార్డీక ఆసీద్ యత్ ప్రాక్షిణాః పితరమ్ పాదగృహ్య || 4-018-12
అవర్త్యా శున ఆన్త్రాణి పేచే న దేవేషు వివిదే మర్డితారమ్ |
అపశ్యం జాయామ్ అమహీయమానామ్ అధా మే శ్యేనో మధ్వ్ ఆ జభార || 4-018-13
