అగ్నిర్ హోతా నో అధ్వరే వాజీ సన్ పరి ణీయతే |
దేవో దేవేషు యజ్ఞియః || 4-015-01
పరి త్రివిష్ట్య్ అధ్వరం యాత్య్ అగ్నీ రథీర్ ఇవ |
ఆ దేవేషు ప్రయో దధత్ || 4-015-02
పరి వాజపతిః కవిర్ అగ్నిర్ హవ్యాన్య్ అక్రమీత్ |
దధద్ రత్నాని దాశుషే || 4-015-03
అయం యః సృఞ్జయే పురో దైవవాతే సమిధ్యతే |
ద్యుమాఅమిత్రదమ్భనః || 4-015-04
అస్య ఘా వీర ఈవతో ऽగ్నేర్ ఈశీత మర్త్యః |
తిగ్మజమ్భస్య మీళ్హుషః || 4-015-05
తమ్ అర్వన్తం న సానసిమ్ అరుషం న దివః శిశుమ్ |
మర్మృజ్యన్తే దివే-దివే || 4-015-06
బోధద్ యన్ మా హరిభ్యాం కుమారః సాహదేవ్యః |
అచ్ఛా న హూత ఉద్ అరమ్ || 4-015-07
ఉత త్యా యజతా హరీ కుమారాత్ సాహదేవ్యాత్ |
ప్రయతా సద్య ఆ దదే || 4-015-08
ఏష వాం దేవావ్ అశ్వినా కుమారః సాహదేవ్యః |
దీర్ఘాయుర్ అస్తు సోమకః || 4-015-09
తం యువం దేవావ్ అశ్వినా కుమారం సాహదేవ్యమ్ |
దీర్ఘాయుషం కృణోతన || 4-015-10
