ధేనుః ప్రత్నస్య కామ్యం దుహానాన్తః పుత్రశ్ చరతి దక్షిణాయాః |
ఆ ద్యోతనిం వహతి శుభ్రయామోషస స్తోమో అశ్వినావ్ అజీగః || 3-058-01
సుయుగ్ వహన్తి ప్రతి వామ్ ఋతేనోర్ధ్వా భవన్తి పితరేవ మేధాః |
జరేథామ్ అస్మద్ వి పణేర్ మనీషాం యువోర్ అవశ్ చకృమా యాతమ్ అర్వాక్ || 3-058-02
సుయుగ్భిర్ అశ్వైః సువృతా రథేన దస్రావ్ ఇమం శృణుతం శ్లోకమ్ అద్రేః |
కిమ్ అఙ్గ వామ్ ప్రత్య్ అవర్తిం గమిష్ఠాహుర్ విప్రాసో అశ్వినా పురాజాః || 3-058-03
ఆ మన్యేథామ్ ఆ గతం కచ్ చిద్ ఏవైర్ విశ్వే జనాసో అశ్వినా హవన్తే |
ఇమా హి వాం గోఋజీకా మధూని ప్ర మిత్రాసో న దదుర్ ఉస్రో అగ్రే || 3-058-04
తిరః పురూ చిద్ అశ్వినా రజాంస్య్ ఆఙ్గూషో వామ్ మఘవానా జనేషు |
ఏహ యాతమ్ పథిభిర్ దేవయానైర్ దస్రావ్ ఇమే వాం నిధయో మధూనామ్ || 3-058-05
పురాణమ్ ఓకః సఖ్యం శివం వాం యువోర్ నరా ద్రవిణం జహ్నావ్యామ్ |
పునః కృణ్వానాః సఖ్యా శివాని మధ్వా మదేమ సహ నూ సమానాః || 3-058-06
అశ్వినా వాయునా యువం సుదక్షా నియుద్భిష్ చ సజోషసా యువానా |
నాసత్యా తిరోహ్న్యం జుషాణా సోమమ్ పిబతమ్ అస్రిధా సుదానూ || 3-058-07
అశ్వినా పరి వామ్ ఇషః పురూచీర్ ఈయుర్ గీర్భిర్ యతమానా అమృధ్రాః |
రథో హ వామ్ ఋతజా అద్రిజూతః పరి ద్యావాపృథివీ యాతి సద్యః || 3-058-08
అశ్వినా మధుషుత్తమో యువాకుః సోమస్ తమ్ పాతమ్ ఆ గతం దురోణే |
రథో హ వామ్ భూరి వర్పః కరిక్రత్ సుతావతో నిష్కృతమ్ ఆగమిష్ఠః || 3-058-09
