న తా మినన్తి మాయినో న ధీరా వ్రతా దేవానామ్ ప్రథమా ధ్రువాణి |
న రోదసీ అద్రుహా వేద్యాభిర్ న పర్వతా నినమే తస్థివాంసః || 3-056-01
షడ్ భారాఏకో అచరన్ బిభర్త్య్ ఋతం వర్షిష్ఠమ్ ఉప గావ ఆగుః |
తిస్రో మహీర్ ఉపరాస్ తస్థుర్ అత్యా గుహా ద్వే నిహితే దర్శ్య్ ఏకా || 3-056-02
త్రిపాజస్యో వృషభో విశ్వరూప ఉత త్ర్యుధా పురుధ ప్రజావాన్ |
త్ర్యనీకః పత్యతే మాహినావాన్ స రేతోధా వృషభః శశ్వతీనామ్ || 3-056-03
అభీక ఆసామ్ పదవీర్ అబోధ్య్ ఆదిత్యానామ్ అహ్వే చారు నామ |
ఆపశ్ చిద్ అస్మా అరమన్త దేవీః పృథగ్ వ్రజన్తీః పరి షీమ్ అవృఞ్జన్ || 3-056-04
త్రీ షధస్థా సిన్ధవస్ త్రిః కవీనామ్ ఉత త్రిమాతా విదథేషు సమ్రాట్ |
ఋతావరీర్ యోషణాస్ తిస్రో అప్యాస్ త్రిర్ ఆ దివో విదథే పత్యమానాః || 3-056-05
త్రిర్ ఆ దివః సవితర్ వార్యాణి దివే-దివ ఆ సువ త్రిర్ నో అహ్నః |
త్రిధాతు రాయ ఆ సువా వసూని భగ త్రాతర్ ధిషణే సాతయే ధాః || 3-056-06
త్రిర్ ఆ దివః సవితా సోషవీతి రాజానా మిత్రావరుణా సుపాణీ |
ఆపశ్ చిద్ అస్య రోదసీ చిద్ ఉర్వీ రత్నమ్ భిక్షన్త సవితుః సవాయ || 3-056-07
త్రిర్ ఉత్తమా దూణశా రోచనాని త్రయో రాజన్త్య్ అసురస్య వీరాః |
ఋతావాన ఇషిరా దూళభాసస్ త్రిర్ ఆ దివో విదథే సన్తు దేవాః || 3-056-08
