ఇన్ద్రః స్వాహా పిబతు యస్య సోమ ఆగత్యా తుమ్రో వృషభో మరుత్వాన్ |
ఓరువ్యచాః పృణతామ్ ఏభిర్ అన్నైర్ ఆస్య హవిస్ తన్వః కామమ్ ఋధ్యాః || 3-050-01
ఆ తే సపర్యూ జవసే యునజ్మి యయోర్ అను ప్రదివః శ్రుష్టిమ్ ఆవః |
ఇహ త్వా ధేయుర్ హరయః సుశిప్ర పిబా త్వ్ అస్య సుషుతస్య చారోః || 3-050-02
గోభిర్ మిమిక్షుం దధిరే సుపారమ్ ఇన్ద్రం జ్యైష్ఠ్యాయ ధాయసే గృణానాః |
మన్దానః సోమమ్ పపివాఋజీషిన్ సమ్ అస్మభ్యమ్ పురుధా గా ఇషణ్య || 3-050-03
ఇమం కామమ్ మన్దయా గోభిర్ అశ్వైశ్ చన్ద్రవతా రాధసా పప్రథశ్ చ |
స్వర్యవో మతిభిస్ తుభ్యం విప్రా ఇన్ద్రాయ వాహః కుశికాసో అక్రన్ || 3-050-04
శునం హువేమ మఘవానమ్ ఇన్ద్రమ్ అస్మిన్ భరే నృతమం వాజసాతౌ |
శృణ్వన్తమ్ ఉగ్రమ్ ఊతయే సమత్సు ఘ్నన్తం వృత్రాణి సంజితం ధనానామ్ || 3-050-05
