సద్యో హ జాతో వృషభః కనీనః ప్రభర్తుమ్ ఆవద్ అన్ధసః సుతస్య |
సాధోః పిబ ప్రతికామం యథా తే రసాశిరః ప్రథమం సోమ్యస్య || 3-048-01
యజ్ జాయథాస్ తద్ అహర్ అస్య కామే ऽంశోః పీయూషమ్ అపిబో గిరిష్ఠామ్ |
తం తే మాతా పరి యోషా జనిత్రీ మహః పితుర్ దమ ఆసిఞ్చద్ అగ్రే || 3-048-02
ఉపస్థాయ మాతరమ్ అన్నమ్ ఐట్ట తిగ్మమ్ అపశ్యద్ అభి సోమమ్ ఊధః |
ప్రయావయన్న్ అచరద్ గృత్సో అన్యాన్ మహాని చక్రే పురుధప్రతీకః || 3-048-03
ఉగ్రస్ తురాషాళ్ అభిభూత్యోజా యథావశం తన్వం చక్ర ఏషః |
త్వష్టారమ్ ఇన్ద్రో జనుషాభిభూయాముష్యా సోమమ్ అపిబచ్ చమూషు || 3-048-04
శునం హువేమ మఘవానమ్ ఇన్ద్రమ్ అస్మిన్ భరే నృతమం వాజసాతౌ |
శృణ్వన్తమ్ ఉగ్రమ్ ఊతయే సమత్సు ఘ్నన్తం వృత్రాణి సంజితం ధనానామ్ || 3-048-05
