మరుత్వాఇన్ద్ర వృషభో రణాయ పిబా సోమమ్ అనుష్వధమ్ మదాయ |
ఆ సిఞ్చస్వ జఠరే మధ్వ ఊర్మిం త్వం రాజాసి ప్రదివః సుతానామ్ || 3-047-01
సజోషా ఇన్ద్ర సగణో మరుద్భిః సోమమ్ పిబ వృత్రహా శూర విద్వాన్ |
జహి శత్రూఅప మృధో నుదస్వాథాభయం కృణుహి విశ్వతో నః || 3-047-02
ఉత ఋతుభిర్ ఋతుపాః పాహి సోమమ్ ఇన్ద్ర దేవేభిః సఖిభిః సుతం నః |
యాఆభజో మరుతో యే త్వాన్వ్ అహన్ వృత్రమ్ అదధుస్ తుభ్యమ్ ఓజః || 3-047-03
యే త్వాహిహత్యే మఘవన్న్ అవర్ధన్ యే శామ్బరే హరివో యే గవిష్టౌ |
యే త్వా నూనమ్ అనుమదన్తి విప్రాః పిబేన్ద్ర సోమం సగణో మరుద్భిః || 3-047-04
మరుత్వన్తం వృషభం వావృధానమ్ అకవారిం దివ్యం శాసమ్ ఇన్ద్రమ్ |
విశ్వాసాహమ్ అవసే నూతనాయోగ్రం సహోదామ్ ఇహ తం హువేమ || 3-047-05
