ఆ మన్ద్రైర్ ఇన్ద్ర హరిభిర్ యాహి మయూరరోమభిః |
మా త్వా కే చిన్ ని యమన్ విం నా పాశినో ऽతి ధన్వేవ తాఇహి || 3-045-01
వృత్రఖాదో వలంరుజః పురాం దర్మో అపామ్ అజః |
స్థాతా రథస్య హర్యోర్ అభిస్వర ఇన్ద్రో దృళ్హా చిద్ ఆరుజః || 3-045-02
గమ్భీరాఉదధీఇవ క్రతుమ్ పుష్యసి గా ఇవ |
ప్ర సుగోపా యవసం ధేనవో యథా హ్రదం కుల్యా ఇవాశత || 3-045-03
ఆ నస్ తుజం రయిమ్ భరాంశం న ప్రతిజానతే |
వృక్షమ్ పక్వమ్ ఫలమ్ అఙ్కీవ ధూనుహీన్ద్ర సమ్పారణం వసు || 3-045-04
స్వయుర్ ఇన్ద్ర స్వరాళ్ అసి స్మద్దిష్టిః స్వయశస్తరః |
స వావృధాన ఓజసా పురుష్టుత భవా నః సుశ్రవస్తమః || 3-045-05
