ఋగ్వేదము - మండలము 3 - సూక్తము 25
| ←ముందరి అధ్యాయము | ఋగ్వేదము (ఋగ్వేదము - మండలము 3 - సూక్తము 25) | తరువాతి అధ్యాయము→ |
| దేవత : , చంధస్సు : |
| ఋగ్వేదము | |||||||||||||
|---|---|---|---|---|---|---|---|---|---|---|---|---|---|
| |||||||||||||
అగ్నే దివః సూనుర్ అసి ప్రచేతాస్ తనా పృథివ్యా ఉత విశ్వవేదాః |
ఋధగ్ దేవాఇహ యజా చికిత్వః || 3-025-01
అగ్నిః సనోతి వీర్యాణి విద్వాన్ సనోతి వాజమ్ అమృతాయ భూషన్ |
స నో దేవాఏహ వహా పురుక్షో || 3-025-02
అగ్నిర్ ద్యావాపృథివీ విశ్వజన్యే ఆ భాతి దేవీ అమృతే అమూరః |
క్షయన్ వాజైః పురుశ్చన్ద్రో నమోభిః || 3-025-03
అగ్న ఇన్ద్రశ్ చ దాశుషో దురోణే సుతావతో యజ్ఞమ్ ఇహోప యాతమ్ |
అమర్ధన్తా సోమపేయాయ దేవా || 3-025-04
అగ్నే అపాం సమ్ ఇధ్యసే దురోణే నిత్యః సూనో సహసో జాతవేదః |
సధస్థాని మహయమాన ఊతీ || 3-025-05