ఇమం నో యజ్ఞమ్ అమృతేషు ధేహీమా హవ్యా జాతవేదో జుషస్వ |
స్తోకానామ్ అగ్నే మేదసో ఘృతస్య హోతః ప్రాశాన ప్రథమో నిషద్య || 3-021-01
ఘృతవన్తః పావక తే స్తోకా శ్చోతన్తి మేదసః |
స్వధర్మన్ దేవవీతయే శ్రేష్ఠం నో ధేహి వార్యమ్ || 3-021-02
తుభ్యం స్తోకా ఘృతశ్చుతో ऽగ్నే విప్రాయ సన్త్య |
ఋషిః శ్రేష్ఠః సమ్ ఇధ్యసే యజ్ఞస్య ప్రావితా భవ || 3-021-03
తుభ్యం శ్చోతన్త్య్ అధ్రిగో శచీవ స్తోకాసో అగ్నే మేదసో ఘృతస్య |
కవిశస్తో బృహతా భానునాగా హవ్యా జుషస్వ మేధిర || 3-021-04
ఓజిష్ఠం తే మధ్యతో మేద ఉద్భృతమ్ ప్ర తే వయం దదామహే |
శ్చోతన్తి తే వసో స్తోకా అధి త్వచి ప్రతి తాన్ దేవశో విహి || 3-021-05
