అగ్నిమ్ ఉషసమ్ అశ్వినా దధిక్రాం వ్యుష్టిషు హవతే వహ్నిర్ ఉక్థైః |
సుజ్యోతిషో నః శృణ్వన్తు దేవాః సజోషసో అధ్వరం వావశానాః || 3-020-01
అగ్నే త్రీ తే వాజినా త్రీ షధస్థా తిస్రస్ తే జిహ్వా ఋతజాత పూర్వీః |
తిస్ర ఉ తే తన్వో దేవవాతాస్ తాభిర్ నః పాహి గిరో అప్రయుచ్ఛన్ || 3-020-02
అగ్నే భూరీణి తవ జాతవేదో దేవ స్వధావో ऽమృతస్య నామ |
యాశ్ చ మాయా మాయినాం విశ్వమిన్వ త్వే పూర్వీః సందధుః పృష్టబన్ధో || 3-020-03
అగ్నిర్ నేతా భగ ఇవ క్షితీనాం దైవీనాం దేవ ఋతుపా ఋతావా |
స వృత్రహా సనయో విశ్వవేదాః పర్షద్ విశ్వాతి దురితా గృణన్తమ్ || 3-020-04
దధిక్రామ్ అగ్నిమ్ ఉషసం చ దేవీమ్ బృహస్పతిం సవితారం చ దేవమ్ |
అశ్వినా మిత్రావరుణా భగం చ వసూన్ రుద్రాఆదిత్యాఇహ హువే || 3-020-05
