వి పాజసా పృథునా శోశుచానో బాధస్వ ద్విషో రక్షసో అమీవాః |
సుశర్మణో బృహతః శర్మణి స్యామ్ అగ్నేర్ అహం సుహవస్య ప్రణీతౌ || 3-015-01
త్వం నో అస్యా ఉషసో వ్యుష్టౌ త్వం సూర ఉదితే బోధి గోపాః |
జన్మేవ నిత్యం తనయం జుషస్వ స్తోమమ్ మే అగ్నే తన్వా సుజాత || 3-015-02
త్వం నృచక్షా వృషభాను పూర్వీః కృష్ణాస్వ్ అగ్నే అరుషో వి భాహి |
వసో నేషి చ పర్షి చాత్య్ అంహః కృధీ నో రాయ ఉశిజో యవిష్ఠ || 3-015-03
అషాళ్హో అగ్నే వృషభో దిదీహి పురో విశ్వాః సౌభగా సంజిగీవాన్ |
యజ్ఞస్య నేతా ప్రథమస్య పాయోర్ జాతవేదో బృహతః సుప్రణీతే || 3-015-04
అచ్ఛిద్రా శర్మ జరితః పురూణి దేవాఅచ్ఛా దీద్యానః సుమేధాః |
రథో న సస్నిర్ అభి వక్షి వాజమ్ అగ్నే త్వం రోదసీ నః సుమేకే || 3-015-05
ప్ర పీపయ వృషభ జిన్వ వాజాన్ అగ్నే త్వం రోదసీ నః సుదోఘే |
దేవేభిర్ దేవ సురుచా రుచానో మా నో మర్తస్య దుర్మతిః పరి ష్ఠాత్ || 3-015-06
ఇళామ్ అగ్నే పురుదంసం సనిం గోః శశ్వత్తమం హవమానాయ సాధ |
స్యాన్ నః సూనుస్ తనయో విజావాగ్నే సా తే సుమతిర్ భూత్వ్ అస్మే || 3-015-07
