ఋజుర్ ఇచ్ ఛంసో వనవద్ వనుష్యతో దేవయన్న్ ఇద్ అదేవయన్తమ్ అభ్య్ అసత్ |
సుప్రావీర్ ఇద్ వనవత్ పృత్సు దుష్టరం యజ్వేద్ అయజ్యోర్ వి భజాతి భోజనమ్ || 2-026-01
యజస్వ వీర ప్ర విహి మనాయతో భద్రమ్ మనః కృణుష్వ వృత్రతూర్యే |
హవిష్ కృణుష్వ సుభగో యథాససి బ్రహ్మణస్ పతేర్ అవ ఆ వృణీమహే || 2-026-02
స ఇజ్ జనేన స విశా స జన్మనా స పుత్రైర్ వాజమ్ భరతే ధనా నృభిః |
దేవానాం యః పితరమ్ ఆవివాసతి శ్రద్ధామనా హవిషా బ్రహ్మణస్ పతిమ్ || 2-026-03
యో అస్మై హవ్యైర్ ఘృతవద్భిర్ అవిధత్ ప్ర తమ్ ప్రాచా నయతి బ్రహ్మణస్ పతిః |
ఉరుష్యతీమ్ అంహసో రక్షతీ రిషో ऽంహోశ్ చిద్ అస్మా ఉరుచక్రిర్ అద్భుతః || 2-026-04
