జోహూత్రో అగ్నిః ప్రథమః పితేవేళస్ పదే మనుషా యత్ సమిద్ధః |
శ్రియం వసానో అమృతో విచేతా మర్మృజేన్యః శ్రవస్యః స వాజీ || 2-010-01
శ్రూయా అగ్నిశ్ చిత్రభానుర్ హవమ్ మే విశ్వాభిర్ గీర్భిర్ అమృతో విచేతాః |
శ్యావా రథం వహతో రోహితా వోతారుషాహ చక్రే విభృత్రః || 2-010-02
ఉత్తానాయామ్ అజనయన్ సుషూతమ్ భువద్ అగ్నిః పురుపేశాసు గర్భః |
శిరిణాయాం చిద్ అక్తునా మహోభిర్ అపరీవృతో వసతి ప్రచేతాః || 2-010-03
జిఘర్మ్య్ అగ్నిం హవిషా ఘృతేన ప్రతిక్షియన్తమ్ భువనాని విశ్వా |
పృథుం తిరశ్చా వయసా బృహన్తం వ్యచిష్ఠమ్ అన్నై రభసం దృశానమ్ || 2-010-04
ఆ విశ్వతః ప్రత్యఞ్చం జిఘర్మ్య్ అరక్షసా మనసా తజ్ జుషేత |
మర్యశ్రీ స్పృహయద్వర్ణో అగ్నిర్ నాభిమృశే తన్వా జర్భురాణః || 2-010-05
జ్ఞేయా భాగం సహసానో వరేణ త్వాదూతాసో మనువద్ వదేమ |
అనూనమ్ అగ్నిం జుహ్వా వచస్యా మధుపృచం ధనసా జోహవీమి || 2-010-06
