ఇన్ద్రో మదాయ వావృధే శవసే వృత్రహా నృభిః |
తమ్ ఇన్ మహత్స్వ్ ఆజిషూతేమ్ అర్భే హవామహే స వాజేషు ప్ర నో ऽవిషత్ || 1-081-01
అసి హి వీర సేన్యో ऽసి భూరి పరాదదిః |
అసి దభ్రస్య చిద్ వృధో యజమానాయ శిక్షసి సున్వతే భూరి తే వసు || 1-081-02
యద్ ఉదీరత ఆజయో ధృష్ణవే ధీయతే ధనా |
యుక్ష్వా మదచ్యుతా హరీ కం హనః కం వసౌ దధో ऽస్మాఇన్ద్ర వసౌ దధః || 1-081-03
క్రత్వా మహాఅనుష్వధమ్ భీమ ఆ వావృధే శవః |
శ్రియ ఋష్వ ఉపాకయోర్ ని శిప్రీ హరివాన్ దధే హస్తయోర్ వజ్రమ్ ఆయసమ్ || 1-081-04
ఆ పప్రౌ పార్థివం రజో బద్బధే రోచనా దివి |
న త్వావాఇన్ద్ర కశ్ చన న జాతో న జనిష్యతే ऽతి విశ్వం వవక్షిథ || 1-081-05
యో అర్యో మర్తభోజనమ్ పరాదదాతి దాశుషే |
ఇన్ద్రో అస్మభ్యం శిక్షతు వి భజా భూరి తే వసు భక్షీయ తవ రాధసః || 1-081-06
మదే-మదే హి నో దదిర్ యూథా గవామ్ ఋజుక్రతుః |
సం గృభాయ పురూ శతోభయాహస్త్యా వసు శిశీహి రాయ ఆ భర || 1-081-07
మాదయస్వ సుతే సచా శవసే శూర రాధసే |
విద్మా హి త్వా పురూవసుమ్ ఉప కామాన్ ససృజ్మహే ऽథా నో ऽవితా భవ || 1-081-08
ఏతే త ఇన్ద్ర జన్తవో విశ్వమ్ పుష్యన్తి వార్యమ్ |
అన్తర్ హి ఖ్యో జనానామ్ అర్యో వేదో అదాశుషాం తేషాం నో వేద ఆ భర || 1-081-09
