కథా దాశేమాగ్నయే కాస్మై దేవజుష్టోచ్యతే భామినే గీః |
యో మర్త్యేష్వ్ అమృత ఋతావా హోతా యజిష్ఠ ఇత్ కృణోతి దేవాన్ || 1-077-01
యో అధ్వరేషు శంతమ ఋతావా హోతా తమ్ ఊ నమోభిర్ ఆ కృణుధ్వమ్ |
అగ్నిర్ యద్ వేర్ మర్తాయ దేవాన్ స చా బోధాతి మనసా యజాతి || 1-077-02
స హి క్రతుః స మర్యః స సాధుర్ మిత్రో న భూద్ అద్భుతస్య రథీః |
తమ్ మేధేషు ప్రథమం దేవయన్తీర్ విశ ఉప బ్రువతే దస్మమ్ ఆరీః || 1-077-03
స నో నృణాం నృతమో రిశాదా అగ్నిర్ గిరో ऽవసా వేతు ధీతిమ్ |
తనా చ యే మఘవానః శవిష్ఠా వాజప్రసూతా ఇషయన్త మన్మ || 1-077-04
ఏవాగ్నిర్ గోతమేభిర్ ఋతావా విప్రేభిర్ అస్తోష్ట జాతవేదాః |
స ఏషు ద్యుమ్నమ్ పీపయత్ స వాజం స పుష్టిం యాతి జోషమ్ ఆ చికిత్వాన్ || 1-077-05
