పశ్వా న తాయుం గుహా చతన్తం నమో యుజానం నమో వహన్తమ్ |
సజోషా ధీరాః పదైర్ అను గ్మన్న్ ఉప త్వా సీదన్ విశ్వే యజత్రాః || 1-065-02
ఋతస్య దేవా అను వ్రతా గుర్ భువత్ పరిష్టిర్ ద్యౌర్ న భూమ |
వర్ధన్తీమ్ ఆపః పన్వా సుశిశ్విమ్ ఋతస్య యోనా గర్భే సుజాతమ్ || 1-065-04
పుష్టిర్ న రణ్వా క్షితిర్ న పృథ్వీ గిరిర్ న భుజ్మ క్షోదో న శమ్భు |
అత్యో నాజ్మన్ సర్గప్రతక్తః సిన్ధుర్ న క్షోదః క ఈం వరాతే || 1-065-06
జామిః సిన్ధూనామ్ భ్రాతేవ స్వస్రామ్ ఇభ్యాన్ న రాజా వనాన్య్ అత్తి |
యద్ వాతజూతో వనా వ్య్ అస్థాద్ అగ్నిర్ హ దాతి రోమా పృథివ్యాః || 1-065-08
శ్వసిత్య్ అప్సు హంసో న సీదన్ క్రత్వా చేతిష్ఠో విశామ్ ఉషర్భుత్ |
సోమో న వేధా ఋతప్రజాతః పశుర్ న శిశ్వా విభుర్ దూరేభాః || 1-065-10
