వహ్నిం యశసం విదథస్య కేతుం సుప్రావ్యం దూతం సద్యోర్థమ్ |
ద్విజన్మానం రయిమ్ ఇవ ప్రశస్తం రాతిమ్ భరద్ భృగవే మాతరిశ్వా || 1-060-01
అస్య శాసుర్ ఉభయాసః సచన్తే హవిష్మన్త ఉశిజో యే చ మర్తాః |
దివశ్ చిత్ పూర్వో న్య్ అసాది హోతాపృచ్ఛ్యో విశ్పతిర్ విక్షు వేధాః || 1-060-02
తం నవ్యసీ హృద ఆ జాయమానమ్ అస్మత్ సుకీర్తిర్ మధుజిహ్వమ్ అశ్యాః |
యమ్ ఋత్విజో వృజనే మానుషాసః ప్రయస్వన్త ఆయవో జీజనన్త || 1-060-03
ఉశిక్ పావకో వసుర్ మానుషేషు వరేణ్యో హోతాధాయి విక్షు |
దమూనా గృహపతిర్ దమ ఆఅగ్నిర్ భువద్ రయిపతీ రయీణామ్ || 1-060-04
తం త్వా వయమ్ పతిమ్ అగ్నే రయీణామ్ ప్ర శంసామో మతిభిర్ గోతమాసః |
ఆశుం న వాజమ్భరమ్ మర్జయన్తః ప్రాతర్ మక్షూ ధియావసుర్ జగమ్యాత్ || 1-060-05
