నూ చిత్ సహోజా అమృతో ని తున్దతే హోతా యద్ దూతో అభవద్ వివస్వతః |
వి సాధిష్ఠేభిః పథిభీ రజో మమ ఆ దేవతాతా హవిషా వివాసతి || 1-058-01
ఆ స్వమ్ అద్మ యువమానో అజరస్ తృష్వ్ అవిష్యన్న్ అతసేషు తిష్ఠతి |
అత్యో న పృష్ఠమ్ ప్రుషితస్య రోచతే దివో న సాను స్తనయన్న్ అచిక్రదత్ || 1-058-02
క్రాణా రుద్రేభిర్ వసుభిః పురోహితో హోతా నిషత్తో రయిషాళ్ అమర్త్యః |
రథో న విక్ష్వ్ ఋఞ్జసాన ఆయుషు వ్య్ ఆనుషగ్ వార్యా దేవ ఋణ్వతి || 1-058-03
వి వాతజూతో అతసేషు తిష్ఠతే వృథా జుహూభిః సృణ్యా తువిష్వణిః |
తృషు యద్ అగ్నే వనినో వృషాయసే కృష్ణం త ఏమ రుశదూర్మే అజర || 1-058-04
తపుర్జమ్భో వన ఆ వాతచోదితో యూథే న సాహ్వాఅవ వాతి వంసగః |
అభివ్రజన్న్ అక్షితమ్ పాజసా రజ స్థాతుశ్ చరథమ్ భయతే పతత్రిణః || 1-058-05
దధుష్ ట్వా భృగవో మానుషేష్వ్ ఆ రయిం న చారుం సుహవం జనేభ్యః |
హోతారమ్ అగ్నే అతిథిం వరేణ్యమ్ మిత్రం న శేవం దివ్యాయ జన్మనే || 1-058-06
హోతారం సప్త జుహ్వో యజిష్ఠం యం వాఘతో వృణతే అధ్వరేషు |
అగ్నిం విశ్వేషామ్ అరతిం వసూనాం సపర్యామి ప్రయసా యామి రత్నమ్ || 1-058-07
అచ్ఛిద్రా సూనో సహసో నో అద్య స్తోతృభ్యో మిత్రమహః శర్మ యచ్ఛ |
అగ్నే గృణన్తమ్ అంహస ఉరుష్యోర్జో నపాత్ పూర్భిర్ ఆయసీభిః || 1-058-08
భవా వరూథం గృణతే విభావో భవా మఘవన్ మఘవద్భ్యః శర్మ |
ఉరుష్యాగ్నే అంహసో గృణన్తమ్ ప్రాతర్ మక్షూ ధియావసుర్ జగమ్యాత్ || 1-058-09
