ఉద్ ఉ త్యం జాతవేదసం దేవం వహన్తి కేతవః |
దృశే విశ్వాయ సూర్యమ్ || 1-050-01
అప త్యే తాయవో యథా నక్షత్రా యన్త్య్ అక్తుభిః |
సూరాయ విశ్వచక్షసే || 1-050-02
అదృశ్రమ్ అస్య కేతవో వి రశ్మయో జనాఅను |
భ్రాజన్తో అగ్నయో యథా || 1-050-03
తరణిర్ విశ్వదర్శతో జ్యోతిష్కృద్ అసి సూర్య |
విశ్వమ్ ఆ భాసి రోచనమ్ || 1-050-04
ప్రత్యఙ్ దేవానాం విశః ప్రత్యఙ్ఙ్ ఉద్ ఏషి మానుషాన్ |
ప్రత్యఙ్ విశ్వం స్వర్ దృశే || 1-050-05
యేనా పావక చక్షసా భురణ్యన్తం జనాఅను |
త్వం వరుణ పశ్యసి || 1-050-06
వి ద్యామ్ ఏషి రజస్ పృథ్వ్ అహా మిమానో అక్తుభిః |
పశ్యఞ్ జన్మాని సూర్య || 1-050-07
సప్త త్వా హరితో రథే వహన్తి దేవ సూర్య |
శోచిష్కేశం విచక్షణ || 1-050-08
అయుక్త సప్త శున్ధ్యువః సూరో రథస్య నప్త్యః |
తాభిర్ యాతి స్వయుక్తిభిః || 1-050-09
ఉద్ వయం తమసస్ పరి జ్యోతిష్ పశ్యన్త ఉత్తరమ్ |
దేవం దేవత్రా సూర్యమ్ అగన్మ జ్యోతిర్ ఉత్తమమ్ || 1-050-10
ఉద్యన్న్ అద్య మిత్రమహ ఆరోహన్న్ ఉత్తరాం దివమ్ |
హృద్రోగమ్ మమ సూర్య హరిమాణం చ నాశయ || 1-050-11
శుకేషు మే హరిమాణం రోపణాకాసు దధ్మసి |
అథో హారిద్రవేషు మే హరిమాణం ని దధ్మసి || 1-050-12
ఉద్ అగాద్ అయమ్ ఆదిత్యో విశ్వేన సహసా సహ |
ద్విషన్తమ్ మహ్యం రన్ధయన్ మో అహం ద్విషతే రధమ్ || 1-050-13
