ఏషో ఉషా అపూర్వ్యా వ్య్ ఉచ్ఛతి ప్రియా దివః |
స్తుషే వామ్ అశ్వినా బృహత్ || 1-046-01
యా దస్రా సిన్ధుమాతరా మనోతరా రయీణామ్ |
ధియా దేవా వసువిదా || 1-046-02
వచ్యన్తే వాం కకుహాసో జూర్ణాయామ్ అధి విష్టపి |
యద్ వాం రథో విభిష్ పతాత్ || 1-046-03
హవిషా జారో అపామ్ పిపర్తి పపురిర్ నరా |
పితా కుటస్య చర్షణిః || 1-046-04
ఆదారో వామ్ మతీనాం నాసత్యా మతవచసా |
పాతం సోమస్య ధృష్ణుయా || 1-046-05
యా నః పీపరద్ అశ్వినా జ్యోతిష్మతీ తమస్ తిరః |
తామ్ అస్మే రాసాథామ్ ఇషమ్ || 1-046-06
ఆ నో నావా మతీనాం యాతమ్ పారాయ గన్తవే |
యుఞ్జాథామ్ అశ్వినా రథమ్ || 1-046-07
అరిత్రం వాం దివస్ పృథు తీర్థే సిన్ధూనాం రథః |
ధియా యుయుజ్ర ఇన్దవః || 1-046-08
దివస్ కణ్వాస ఇన్దవో వసు సిన్ధూనామ్ పదే |
స్వం వవ్రిం కుహ ధిత్సథః || 1-046-09
అభూద్ ఉ భా ఉ అంశవే హిరణ్యమ్ ప్రతి సూర్యః |
వ్య్ అఖ్యజ్ జిహ్వయాసితః || 1-046-10
అభూద్ ఉ పారమ్ ఏతవే పన్థా ఋతస్య సాధుయా |
అదర్శి వి స్రుతిర్ దివః || 1-046-11
తత్-తద్ ఇద్ అశ్వినోర్ అవో జరితా ప్రతి భూషతి |
మదే సోమస్య పిప్రతోః || 1-046-12
వావసానా వివస్వతి సోమస్య పీత్యా గిరా |
మనుష్వచ్ ఛమ్భూ ఆ గతమ్ || 1-046-13
యువోర్ ఉషా అను శ్రియమ్ పరిజ్మనోర్ ఉపాచరత్ |
ఋతా వనథో అక్తుభిః || 1-046-14
ఉభా పిబతమ్ అశ్వినోభా నః శర్మ యచ్ఛతమ్ |
అవిద్రియాభిర్ ఊతిభిః || 1-046-15
