త్వమ్ అగ్నే వసూఇహ రుద్రాఆదిత్యాఉత |
యజా స్వధ్వరం జనమ్ మనుజాతం ఘృతప్రుషమ్ || 1-045-01
శ్రుష్టీవానో హి దాశుషే దేవా అగ్నే విచేతసః |
తాన్ రోహిదశ్వ గిర్వణస్ త్రయస్త్రింశతమ్ ఆ వహ || 1-045-02
ప్రియమేధవద్ అత్రివజ్ జాతవేదో విరూపవత్ |
అఙ్గిరస్వన్ మహివ్రత ప్రస్కణ్వస్య శ్రుధీ హవమ్ || 1-045-03
మహికేరవ ఊతయే ప్రియమేధా అహూషత |
రాజన్తమ్ అధ్వరాణామ్ అగ్నిం శుక్రేణ శోచిషా || 1-045-04
ఘృతాహవన సన్త్యేమా ఉ షు శ్రుధీ గిరః |
యాభిః కణ్వస్య సూనవో హవన్తే ऽవసే త్వా || 1-045-05
త్వాం చిత్రశ్రవస్తమ హవన్తే విక్షు జన్తవః |
శోచిష్కేశమ్ పురుప్రియాగ్నే హవ్యాయ వోళ్హవే || 1-045-06
ని త్వా హోతారమ్ ఋత్విజం దధిరే వసువిత్తమమ్ |
శ్రుత్కర్ణం సప్రథస్తమం విప్రా అగ్నే దివిష్టిషు || 1-045-07
ఆ త్వా విప్రా అచుచ్యవుః సుతసోమా అభి ప్రయః |
బృహద్ భా బిభ్రతో హవిర్ అగ్నే మర్తాయ దాశుషే || 1-045-08
ప్రాతర్యావ్ణః సహస్కృత సోమపేయాయ సన్త్య |
ఇహాద్య దైవ్యం జనమ్ బర్హిర్ ఆ సాదయా వసో || 1-045-09
అర్వాఞ్చం దైవ్యం జనమ్ అగ్నే యక్ష్వ సహూతిభిః |
అయం సోమః సుదానవస్ తమ్ పాత తిరోహ్న్యమ్ || 1-045-10
