సమ్ పూషన్న్ అధ్వనస్ తిర వ్య్ అంహో విముచో నపాత్ |
సక్ష్వా దేవ ప్ర ణస్ పురః || 1-042-01
యో నః పూషన్న్ అఘో వృకో దుఃశేవ ఆదిదేశతి |
అప స్మ తమ్ పథో జహి || 1-042-02
అప త్యమ్ పరిపన్థినమ్ ముషీవాణం హురశ్చితమ్ |
దూరమ్ అధి స్రుతేర్ అజ || 1-042-03
త్వం తస్య ద్వయావినో ऽఘశంసస్య కస్య చిత్ |
పదాభి తిష్ఠ తపుషిమ్ || 1-042-04
ఆ తత్ తే దస్ర మన్తుమః పూషన్న్ అవో వృణీమహే |
యేన పితౄన్ అచోదయః || 1-042-05
అధా నో విశ్వసౌభగ హిరణ్యవాశీమత్తమ |
ధనాని సుషణా కృధి || 1-042-06
అతి నః సశ్చతో నయ సుగా నః సుపథా కృణు |
పూషన్న్ ఇహ క్రతుం విదః || 1-042-07
అభి సూయవసం నయ న నవజ్వారో అధ్వనే |
పూషన్న్ ఇహ క్రతుం విదః || 1-042-08
శగ్ధి పూర్ధి ప్ర యంసి చ శిశీహి ప్రాస్య్ ఉదరమ్ |
పూషన్న్ ఇహ క్రతుం విదః || 1-042-09
న పూషణమ్ మేథామసి సూక్తైర్ అభి గృణీమసి |
వసూని దస్మమ్ ఈమహే || 1-042-10
