యం రక్షన్తి ప్రచేతసో వరుణో మిత్రో అర్యమా |
నూ చిత్ స దభ్యతే జనః || 1-041-01
యమ్ బాహుతేవ పిప్రతి పాన్తి మర్త్యం రిషః |
అరిష్టః సర్వ ఏధతే || 1-041-02
వి దుర్గా వి ద్విషః పురో ఘ్నన్తి రాజాన ఏషామ్ |
నయన్తి దురితా తిరః || 1-041-03
సుగః పన్థా అనృక్షర ఆదిత్యాస ఋతం యతే |
నాత్రావఖాదో అస్తి వః || 1-041-04
యం యజ్ఞం నయథా నర ఆదిత్యా ఋజునా పథా |
ప్ర వః స ధీతయే నశత్ || 1-041-05
స రత్నమ్ మర్త్యో వసు విశ్వం తోకమ్ ఉత త్మనా |
అచ్ఛా గచ్ఛత్య్ అస్తృతః || 1-041-06
కథా రాధామ సఖాయ స్తోమమ్ మిత్రస్యార్యమ్ణః |
మహి ప్సరో వరుణస్య || 1-041-07
మా వో ఘ్నన్తమ్ మా శపన్తమ్ ప్రతి వోచే దేవయన్తమ్ |
సుమ్నైర్ ఇద్ వ ఆ వివాసే || 1-041-08
చతురశ్ చిద్ దదమానాద్ బిభీయాద్ ఆ నిధాతోః |
న దురుక్తాయ స్పృహయేత్ || 1-041-09
