క్రీళం వః శర్ధో మారుతమ్ అనర్వాణం రథేశుభమ్ |
కణ్వా అభి ప్ర గాయత || 1-037-01
యే పృషతీభిర్ ఋష్టిభిః సాకం వాశీభిర్ అఞ్జిభిః |
అజాయన్త స్వభానవః || 1-037-02
ఇహేవ శృణ్వ ఏషాం కశా హస్తేషు యద్ వదాన్ |
ని యామఞ్ చిత్రమ్ ఋఞ్జతే || 1-037-03
ప్ర వః శర్ధాయ ఘృష్వయే త్వేషద్యుమ్నాయ శుష్మిణే |
దేవత్తమ్ బ్రహ్మ గాయత || 1-037-04
ప్ర శంసా గోష్వ్ అఘ్న్యం క్రీళం యచ్ ఛర్ధో మారుతమ్ |
జమ్భే రసస్య వావృధే || 1-037-05
కో వో వర్షిష్ఠ ఆ నరో దివశ్ చ గ్మశ్ చ ధూతయః |
యత్ సీమ్ అన్తం న ధూనుథ || 1-037-06
ని వో యామాయ మానుషో దధ్ర ఉగ్రాయ మన్యవే |
జిహీత పర్వతో గిరిః || 1-037-07
యేషామ్ అజ్మేషు పృథివీ జుజుర్వాఇవ విశ్పతిః |
భియా యామేషు రేజతే || 1-037-08
స్థిరం హి జానమ్ ఏషాం వయో మాతుర్ నిరేతవే |
యత్ సీమ్ అను ద్వితా శవః || 1-037-09
ఉద్ ఉ త్యే సూనవో గిరః కాష్ఠా అజ్మేష్వ్ అత్నత |
వాశ్రా అభిజ్ఞు యాతవే || 1-037-10
త్యం చిద్ ఘా దీర్ఘమ్ పృథుమ్ మిహో నపాతమ్ అమృధ్రమ్ |
ప్ర చ్యావయన్తి యామభిః || 1-037-11
మరుతో యద్ ధ వో బలం జనాఅచుచ్యవీతన |
గిరీఅచుచ్యవీతన || 1-037-12
యద్ ధ యాన్తి మరుతః సం హ బ్రువతే ऽధ్వన్న్ ఆ |
శృణోతి కశ్ చిద్ ఏషామ్ || 1-037-13
ప్ర యాత శీభమ్ ఆశుభిః సన్తి కణ్వేషు వో దువః |
తత్రో షు మాదయాధ్వై || 1-037-14
అస్తి హి ష్మా మదాయ వః స్మసి ష్మా వయమ్ ఏషామ్ |
విశ్వం చిద్ ఆయుర్ జీవసే || 1-037-15
