అయం దేవాయ జన్మనే స్తోమో విప్రేభిర్ ఆసయా |
అకారి రత్నధాతమః || 1-020-01
య ఇన్ద్రాయ వచోయుజా తతక్షుర్ మనసా హరీ |
శమీభిర్ యజ్ఞమ్ ఆశత || 1-020-02
తక్షన్ నాసత్యాభ్యామ్ పరిజ్మానం సుఖం రథమ్ |
తక్షన్ ధేనుం సబర్దుఘామ్ || 1-020-03
యువానా పితరా పునః సత్యమన్త్రా ఋజూయవః |
ఋభవో విష్ట్య్ అక్రత || 1-020-04
సం వో మదాసో అగ్మతేన్ద్రేణ చ మరుత్వతా |
ఆదిత్యేభిశ్ చ రాజభిః || 1-020-05
ఉత త్యం చమసం నవం త్వష్టుర్ దేవస్య నిష్కృతమ్ |
అకర్త చతురః పునః || 1-020-06
తే నో రత్నాని ధత్తన త్రిర్ ఆ సాప్తాని సున్వతే |
ఏకమ్-ఏకం సుశస్తిభిః || 1-020-07
అధారయన్త వహ్నయో ऽభజన్త సుకృత్యయా |
భాగం దేవేషు యజ్ఞియమ్ || 1-020-08
