సమిద్ధో అద్య రాజసి దేవో దేవైః సహస్రజిత్ |
దూతో హవ్యా కవిర్ వహ || 1-188-01
తనూనపాద్ ఋతం యతే మధ్వా యజ్ఞః సమ్ అజ్యతే |
దధత్ సహస్రిణీర్ ఇషః || 1-188-02
ఆజుహ్వానో న ఈడ్యో దేవాఆ వక్షి యజ్ఞియాన్ |
అగ్నే సహస్రసా అసి || 1-188-03
ప్రాచీనమ్ బర్హిర్ ఓజసా సహస్రవీరమ్ అస్తృణన్ |
యత్రాదిత్యా విరాజథ || 1-188-04
విరాట్ సమ్రాడ్ విభ్వీః ప్రభ్వీర్ బహ్వీశ్ చ భూయసీశ్ చ యాః |
దురో ఘృతాన్య్ అక్షరన్ || 1-188-05
సురుక్మే హి సుపేశసాధి శ్రియా విరాజతః |
ఉషాసావ్ ఏహ సీదతామ్ || 1-188-06
ప్రథమా హి సువాచసా హోతారా దైవ్యా కవీ |
యజ్ఞం నో యక్షతామ్ ఇమమ్ || 1-188-07
భారతీళే సరస్వతి యా వః సర్వా ఉపబ్రువే |
తా నశ్ చోదయత శ్రియే || 1-188-08
త్వష్టా రూపాణి హి ప్రభుః పశూన్ విశ్వాన్ సమానజే |
తేషాం న స్ఫాతిమ్ ఆ యజ || 1-188-09
ఉప త్మన్యా వనస్పతే పాథో దేవేభ్యః సృజ |
అగ్నిర్ హవ్యాని సిష్వదత్ || 1-188-10
పురోగా అగ్నిర్ దేవానాం గాయత్రేణ సమ్ అజ్యతే |
స్వాహాకృతీషు రోచతే || 1-188-11
