పితుం ను స్తోషమ్ మహో ధర్మాణం తవిషీమ్ |
యస్య త్రితో వ్య్ ఓజసా వృత్రం విపర్వమ్ అర్దయత్ || 1-187-01
స్వాదో పితో మధో పితో వయం త్వా వవృమహే |
అస్మాకమ్ అవితా భవ || 1-187-02
ఉప నః పితవ్ ఆ చర శివః శివాభిర్ ఊతిభిః |
మయోభుర్ అద్విషేణ్యః సఖా సుశేవో అద్వయాః || 1-187-03
తవ త్యే పితో రసా రజాంస్య్ అను విష్ఠితాః |
దివి వాతా ఇవ శ్రితాః || 1-187-04
తవ త్యే పితో దదతస్ తవ స్వాదిష్ఠ తే పితో |
ప్ర స్వాద్మానో రసానాం తువిగ్రీవా ఇవేరతే || 1-187-05
త్వే పితో మహానాం దేవానామ్ మనో హితమ్ |
అకారి చారు కేతునా తవాహిమ్ అవసావధీత్ || 1-187-06
యద్ అదో పితో అజగన్ వివస్వ పర్వతానామ్ |
అత్రా చిన్ నో మధో పితో ऽరమ్ భక్షాయ గమ్యాః || 1-187-07
యద్ అపామ్ ఓషధీనామ్ పరింశమ్ ఆరిశామహే |
వాతాపే పీవ ఇద్ భవ || 1-187-08
యత్ తే సోమ గవాశిరో యవాశిరో భజామహే |
వాతాపే పీవ ఇద్ భవ || 1-187-09
కరమ్భ ఓషధే భవ పీవో వృక్క ఉదారథిః |
వాతాపే పీవ ఇద్ భవ || 1-187-10
తం త్వా వయమ్ పితో వచోభిర్ గావో న హవ్యా సుషూదిమ |
దేవేభ్యస్ త్వా సధమాదమ్ అస్మభ్యం త్వా సధమాదమ్ || 1-187-11
