తం యుఞ్జాథామ్ మనసో యో జవీయాన్ త్రివన్ధురో వృషణా యస్ త్రిచక్రః |
యేనోపయాథః సుకృతో దురోణం త్రిధాతునా పతథో విర్ న పర్ణైః || 1-183-01
సువృద్ రథో వర్తతే యన్న్ అభి క్షాం యత్ తిష్ఠథః క్రతుమన్తాను పృక్షే |
వపుర్ వపుష్యా సచతామ్ ఇయం గీర్ దివో దుహిత్రోషసా సచేథే || 1-183-02
ఆ తిష్ఠతం సువృతం యో రథో వామ్ అను వ్రతాని వర్తతే హవిష్మాన్ |
యేన నరా నాసత్యేషయధ్యై వర్తిర్ యాథస్ తనయాయ త్మనే చ || 1-183-03
మా వాం వృకో మా వృకీర్ ఆ దధర్షీన్ మా పరి వర్క్తమ్ ఉత మాతి ధక్తమ్ |
అయం వామ్ భాగో నిహిత ఇయం గీర్ దస్రావ్ ఇమే వాం నిధయో మధూనామ్ || 1-183-04
యువాం గోతమః పురుమీళ్హో అత్రిర్ దస్రా హవతే ऽవసే హవిష్మాన్ |
దిశం న దిష్టామ్ ఋజూయేవ యన్తా మే హవం నాసత్యోప యాతమ్ || 1-183-05
అతారిష్మ తమసస్ పారమ్ అస్య ప్రతి వాం స్తోమో అశ్వినావ్ అధాయి |
ఏహ యాతమ్ పథిభిర్ దేవయానైర్ విద్యామేషం వృజనం జీరదానుమ్ || 1-183-06
